Ағымдағы жылға арналған спорттық бұқаралық іс-шаралардың күнтізбелік жоспарына сәйкес, 20-24 сәуір аралығы Алматы облысы, Іле ауданы, Өтеген Батыр ауылында жекпе-жек спорт түрінен жасөспірімдер арасында Қазақстан Республикасының чемпионаты өтті. Төрт күнге созылған чемпионатта 17 аймақтан жалпы саны 500-ге жуық спортшы бақ сынады. Жарыстың командалық қорытындысына келер болсақ қоланы Қарағанды облысы алды, күміске Қызылорда облысы лайықты болды, алтынды Алматы облысының спортшылары қанжығаларына байлады.
